fîkirî cwanî
From the Book:
Dîwanî Aẍa ’Înayet
By:
Agha Inayat (1881-1957)
24 minutes
1795 views
fîkirî cwanî ...
kewten we yadim fîkirî cwanî
bedbextîy bextim ba xas bizanî
řenc û meşeqqet ney dinyay fanî
hêmay nefamam ce zîndeganî
newyaram yek řo we kameranî
hêmay neçeştim heway germ û serd
daxił we firqey bedbextanim kerd
firsetiş nedam bizanûn derdan
ce eda û babo meḧrûmş kerdan
ce mał û emwał xeylê firawan
pey min we ca men mîrasî ewan
řozgar nastiş binîşûn we şad
her řo we derdê yekser şî we bad
şerḧiş xas nîyen perê ewgaran
mebo we serbar pey derdedaran
welḧasił wey tewr wiyaram çen sał
řo ne řo beter ne fîkir û xeyał
çen řo ne mekteb mu’elîm wendim
kore sewadê we dest awerdim
ta axir heway swarî kerdim
çen řo buyaron hem çenî merdim
esp û zîn çenî tifeng û qetar
karim her îd bê ne sub ta êwar
çenî řefêqan mekerdim bazî
gahê swarî ga tîr’endazî
ew řo new zeman geda ta derwêş
tayfulmilûk her kes perê wêş
her kes leşkirê pey wêş řazna
deste û besteyê pey wêş sazna
her kes pey kesê leşkirê kêşan
ce qetił û ẍaret dest nimekêşan
temamî êranNamed-Entity îne karş bê
ce şa ta geda ye bazařş bê
şa çenî mîllet, mîllet çenî şa
ew pey îstîqlal, êd meşrûtexa
çen sałê wey tewr ne mabeyn wîyerd
axir meşrûte, qacarNamed-Entity cebeyn berd
eḧkamî ewan pêçya we hem
meclîsî mîllî ne caş bî meḧkem
ta bîst û penc sał dewrey herc û merc
her kes her çêş bî temam kerdiş xerc
ce muddey mesaf î çendîn sałe
her şarê pey wêş ney fîkir û ḧałe
ta şaran yoter ce beyn mewerden
’eşayr temam tereqî kerden
ce seney hîcrî elf û şîn û mîm
pehlewîNamed-Entity ne text qacarNamed-Entity bî muqîm
seney qemrî min ḧîsab kerdim
îştîba nebo me’lûm ce merdim
hezar û sêsed, çwarî şemsî
tacguzarîş kerd nîşt neřûy kursî
metłeb ba ney ca bimano pey wêş
bişîn weser wext tayfanî pêş
her kes ne cay wêş îstîqlalş bî
her kes xak û aw ye meḧałş bî
her yek tertîbê pey wêş da qerar
sware û noker esasey şikar
her yo meḧałê perê şikarş
her yagê weş bî perê hewarş
syaçadran ne sewzî û şetaw
fîkirî ew temam dił kerden kewaw
boy nesîmî subiḧ ce etrafatiş
zwanim lałen ce te’rîfatiş
’etrî gułałan seḧra û deşt û der
her yo ne řengê mekerdiş zîwer
seday jerejan ne ser kiławan
her yek we terzê cergim şikawan
çirîkey şahînan webanî mawe
hajey ’uqaban we řûy hewawe
her wext mekerdîm arezûy şikar
ne şadî û weşî ew řo ta êwar
her kes esasey wêş mekerd teyar
herçî lazim bî megîrya we bar
bine û abdarî řahî mekerdîn
şew menziłgaman we ko mewerdîn
mepoşan neber bergî kogerdî
laqeyd bîn ne weşt, ne germî û serdî
çend newcewanan şoxî tîr’endaz
pey ewan cergim megêran we gaz
begzade û noker esłeḧe mewerd
cew dima wekêł ḧereket mekerd
řû mekerd ne ko her yek ce layê
her yek we řengê her yek sedayê
ahsite û kem kem parêz mewerdîn
axir kełřeman nezer mawerdîn
ewan bê xewf bîn ne mergî wêşan
bê xeber ce ḧał êşî gyan kêşan
tifengî penc tîr lûl çûn sya mar
fîşek çeşnî řeş mekiryan ne kar
seday mardeman ne her kiławê
şêlk mekerdin memdiran tawê
yo mewat ama, yo wat min kuştim
yo wat aferîn bo dest û miştim
tefreqe mewîn cergey kełřeman
her yo ne layê mekirya bê gyan
ew ne xofî gyan we řûy kemerda
pey řagey necat ne her guzerda
teqala meda berbişo we ber
tifengiçî new ca girtebê guzer
seday tifengan ce lare kawan
deng meda we hem, kawan melawan
dîm ama kełê sersam bîm lêwe
kem kesê dîyen ew şikił û şêwe
şax û heykełş temam dirişten
xał sya û sifîd xalq wêş řeşten
şîm ew parêziş bê xof û xeter
ta yawa bew ca girtebêm nezer
’eceb ne şadî eřo ne merdim
mardem îşarey řûy sîneş kerdim
ce seday tifeng řo bî çewaşe
kefit ne řûy zemîn ew şêwe û laşe
tirîqey penc tîr we safî mawe
lûle mepêka we řûy hewawe
kełafe mewest we řûy qełwezda
tûlî qełwezeş ne hezar gezda
şîm ew serînş zamdar û xeste
min kedîm ew ḧał, ew şêwe û ceste
dîm ke minało bew ḧał û bew derd
bew zamî karî henasanî serd
hûnaw carîyen ser ta we daman
ewgaren ce derd ne êşî zaman
horkêşam xencer serş cya kem
ama we cwaw çenî min kem kem
watiş bê însaf herzey herzekar
bêxeber ce derd çerxî řozgar
çen sałen wey tewr îne karten
ney gişt azare çûn qerarten
kuştarî ême we xas mezanî
her wext ke yaway we pişîmanî
bawer we nezer ḧał û cestey min
î hûn carî cestey xestey min
bê’ecir nîyen ce lay xudawend
şa û geda çun hem mekêşo we bend
to ke nebadey cwanî mestî
ḧerfî min ce lat nedaro hestî
goş nedam we ḧerf nepersam ce ew
ser cya kerdim we dewanî dew
herçî we min wat bew diłey peř derd
watey ew we min eser nimekerd
nezanam gerdûn îne karşen
her kes we derdê giriftarşen
sał ne dwazde şax wêney komac
şa we mułkiş bî we kes nedê bac
çendîn seyyadan dyebê we çem
çend mîr şikaran pêçabê we xem
ta ew řo ecel nameş pey wana
pencey teqdîrş neřûy ew şana
qabîz řoḧiş we min da qerar
her îden karş çerxî řozgar
her kes we kesê giriftar kero
însan û weḧşî maro û mewero
laşeş keftebê bewêney gamêş
emin ce weşî ew ce êşî wêş
kes nîyen ew ḧał cew wext bizano
eger bizano çenî des şano
řefêqan new wext her yek ce layê
cem bîn ne lay min ce sayey mayê
çen bar hêzim cemawer kerdîn
ayrê newca ’emeł awerdîn
her kes perê wêş puxt û pez mekerd
kebab û çayî çenî awî serd
her řo ne cayê her şew ne kawê
her leḧze bezmê ne ser serawê
gah tîr’endazî ne wer meẍaran
gah şonî kełřem ne ser dyaran
gahê we tapiř we řûy hewawe
gah gah we pilçe we serî mawe
ne her şikarê her řo we bezmê
her řo we ’eyşê her satê řezmê
çend sał û çend mah wey kare wîyerd
laqeyd ce ẍuse û henasanî serd
hîç kes nepersê ne şa ta derwêş
her kes şayê bê ne meḧał wêş
min perê ew řo cergim kewawen
qût qinyatim zox û hûnawen
ew naz û nî’met ew şayî û weşî
yekser we yek řo ce desman berşî
çun kesê nebê qedirş bizano
’aqîbet pasen mebo nemano
her kes kewtebê wetemay kesê
ferzen ce babo xeber nepersê
komek wenegbet yoter mekerden
her kes we new’ê ne beyn mewerden
ce kuşt û qeza û merdim azarî
yekser giriftar wey derdî karî
ewend zeḧmetan pey wêşan taşan
ta axir dewłet kefit we temaşan
tuxmî înqilab wist ne dilêşan
be’zê we ḧiqûq be’zê we nîşan
yekê we xel’et, yoter we we’de
yoter we xeyał xidmetiş kerde
temam esłeḧey wêşan cem kerden
we meylî wêşan we merkez berden
yek ce qînî yek her kes perê wêş
ce zułmî yoter bêzabênî lêş
be ew xeyałe ḧerbe nemano
dewłet temamî ḧeqî ew sano
muxteser negbet wey tewr ne řa bird
her kes we derdê keř û korş kerd
ne ew sefḧey ẍerb ẍeyr ce hewramanLocation
baqî ’eşayr ser ta we daman
perê îta’et dewłet ḧazir bîn
her emrê mekerd we sîdiq û yeqîn
ne řay encamş gyan bazî kerden
wey tewr yekayek ce meydan berden
tenha hewramanLocation weḧałî wêş mend
dewłet ke her çend dane perêş şend
ḧiqûqî dewłet ce dûr mewerden
nizîkî esłen kes nimekerden
ta axir dewłet emir da qişûn
bikêşan peyşan we bê çend û çûn
urdûy dewłetî çend şewan û řo
kêşya perê qel’ey cwanřoNamed-Entity
ew řo ne qel’e ḧereketiş kerd
begzade temam çenî wêşan berd
qesem û qur’an peyşan mewerden
perê řahnima temas mekerden
pêş qerewłyan we kewirg yawa
hewramî new ca kerdiş we dawa
sê şew û sê řo new ca ceng kerden
ne her dû teref telefat werden
qişûnî dewłet her řo we terzê
teqala medan pey yagey berzê
muddey yek mahê nedewrî qişłax
netoy berf û yex we diłey peř dax
xeylê îftîzaḧ new cage werden
çenî mudde’î neberd mekerden
řagey pes û pîş perêşan nemend
nedewrî wêşan mekerden kemend
ta ew řo dinya çerxiş ne karen
pey ew xizmete cergim xar xaren
ehlîye û ře’yet mensûbî ewan
sabîqey zułmê çenîşan kiryan
me’îwis bîn ne ḧał guzeştey wêşan
pey înqilabê her ax mekêşan
ta ew řo wey tewr pêş amediş kerd
her kesê pey wêş esłeḧe mawerd
medan ne teḧwêł saḧêb menseban
îta’e kêş bîn we dîde û we gyan
qewl û îtmînan pey wêşan senden
her kes ordûyê perêş mewenden
ne yek ca ḧîle ne caca fişar
esłeḧe wey tewr temam kerden bar
naga ce teqdîr çerxî çep kirdar
daym çepgerdî pey wêş dan qerar
her ne firseten perê bedbextan
keçbazen çenî giroy zam sextan
î ’umrî kota perêş dan qerar
ce sał ta we ma ne sub ta êwar
we dîdey teḧqîq we nezer bawer
’eyş û nîşatiş, şerbet û şeker
her yek derdêwen yo ce yo beter
bê wefa û pûçen fayde û zerer
nařezayetî dinyay dûn perwer
ney ca bimano ta (yum alimḧişirArabic)
bişîn weser wext karî hewraman
ew şayî û weşî serta wedaman
yekser bîy we şîn kefit ne dilêşan
paşyan we hem qewman û xwêşan
her yek ne layê bê we çareser
koh û byaban seḧra û deşt û der
pena we xakî xarc berdişan
we karî ewan komek kerdişan
ney demda aẍay sipehbudNamed-Entity yawa
ward we newsûdNamed-Entity bê ceng bê dawa
dîş ke ewza’at dił be waş nîyen
ew kes meramen ce des berşîyen
xeyałê henê we nezer awerd
saḧêb menseban temam îḧzar kerd
ne qesrî şîrînNamed-Entity ta we merîwanNamed-Entity
destûr da pêşan we xefye û penhan
watebê her yo ne meḧelî wêş
kumeysûn keran ce şêx ta derwêş
xan û xewanîn malkîn temam
mutenefîzîn ne xas û ne ’am
cem keran new ca su’al ken lêşan
îltîzam bidan pî qewmî wêşan
esłeḧe ce lay herkes peyda bo
be ’ezabî sext giriftar mebo
zahîr wey tewre destûr da pêşan
batin new’ê ter wastebê lêşan
serheng seqefîNamed-Entity memdelî bed xo
mamûr kiryabê perê cwanřoNamed-Entity
we dam û dane we ḧîle û tezwîr
qur’anî nahen merdim bidan gîr
maştey ’eyarîy new ca wa kerden
cadû û efsane gişt we kar berden
êmeyç bê xeyał bê xof, bê teqsîr
yekayek cem bîn seẍîr û kebîr
î’lan kerdişan her řo dû sa’it
ḧazir ban ney ca perê meşweret
tifeng û xencer herçî mendebê
ne’ehdî qedîm her kes sendebê
lûley řeşokî û dehen peř temam
cem kerden yekser wamendey eyam
dirya ne teḧwêł îtmînan senden
damî bedbextî pey ême tenden
bîst û heşt ne birc yazdey de wîyerd
sitarey îqbał ême ẍurûb kerd
etrafî menził êḧate kerden
esamî ême yeka yek wenden
watin (ḧisb alamirArabic) aẍey sipebud
dest ne pa xeta nekerdê bê xud
tewfîqen ney ca çend şewane û řo
ta teftîş kermê qełay cwanřoNamed-Entity
welḧasił ew řo ew girte û beste
ew fişarî sext ew ḧał û ceste
ew zelîlî dest giroy bedkare
ta dinya dinyan cergim xar xare
çun we bê teqsîr wey tewre kerden
ce wîr nimeşo ta weřoy merden
şerefî çend sał abřû û ḧurmet
yekser dan we bad bê dûn bê cîhet
qełem ne şerḧiş temam ’acîzen
cew bone wehar ’umirim payzen
pey kesê ẍîret beşerî daro
her satê mergê weneş mewyaro
nek bewêney min bê’ar û bedbext
wamendey dewran cefa û zułmî sext
pîşyay botey cewrî zemane
nařeza ce des xwêş û bêgane
şerḧî ḧałî wêm ney ca bimano
diłey peř zûxaw her quł bişano
çwarde řo wey tewr new yage wîyerd
şew û řo kerdîm çenî ahî serd
naga ney demda serdar ekiremNamed-Entity
ře’îs û necîb xas û muḧterem
çendê ne dewran dinyay wiyerde
ne řay îḧtîram zîndegî kerde
sitem dîdey dest çerxî çep werde
penay şerafet sipebud berde
ward bî new dem we destî beste
jakya û meflûk manya û xeste
sefa û selamê ne mabeyn wîyerd
ser guzşitey wêş temam beyan kerd
watiş řefêqan yaranî dêrîn
her ce merîwanNamed-Entity ta qesrî şîrînNamed-Entity
yekser wey derde giriftar bîyen
abřû û ḧurmet ce des berşîyen
kes nimezano pey çêş wey tewren
ya karî beşer her zułim û cewren
we herḧał ew şew we řo awerdîn
perê meynetan her mayn nemerdîn
seḧer ke xorşîd ber ama we ber
ew řo řoyê bê bewêney meḧşer
çend şewane û řo mewara wetaw
asman û zemîn bî we deryay aw
emrî ḧereket new demda dirya
esasey qişûn yekser bar kirya
watin aẍeyan êweyç ḧazir ban
ket beste û desfeng perê kirmaşanNamed-Entity
nîzamî temam sef ara kerden
ne beynî ewan êmeyç awerden
ehlî yey qeła temamî yekser
nimazan yekê ser kêşo we ber
ta yawayn we der xanqa kem kem
dîn ke meḧşeren quł medo we hem
her ce merîwanNamed-Entity tawe cwanřoNamed-Entity
ket beste û bedbext kiryan řenceřo
her çwar nefer we hem mewesten
dû nefer nîzam ne mabeyn wisten
ne her dû teref dû sef dan qerar
pawepay ême her sub ta êwar
ew tofanî sext ew weşt û ware
ew zułmî sengîn ew cergî pare
ew beḧrî qîrîn ew heřg û lîte
ew barî sengîn ew fezêḧete
ew zelîlî dest giroy bêřeḧme
ew řoy bergeşte ew mij û teme
ew ce yek biřyay babe û ferzende
mebẍûzî nezer lay xuda û bende
ne hezar yekê te’rîfî ew řo
defter sya kem temam nimebo
naga ney demda bî be waweyla
wêney waqî’ey deştî kerbelaNamed-Entity
biłind bî ne ewc seday zarîy û şîn
fełek pey ême meřêza esrîn
seday xanman wenaz perwerde
ne perdey ’îsmet zîndegî kerde
we bangî bêşerim we sozî derûn
nałey zarîşan yawa we gerdûn
ye çe řojê bê ême dîn we çem
nedyenş wey tewr ewladî ademNamed-Entity
mewatin serdar samNamed-Entity sengînim řo
baboy ferzendan nazenînim řo
her yekê ře’îs yek meḧałim řo
me’qûł û meqbûł peř kemałim řo
yekê mewatiş biray xasim řo
şarezay dîwan şa şinasim řo
bê xof û xeter we dam keftem řo
zamanî karîy êş nesreftem řo
şêranî sengî řoy neberdim řo
laqeyd ne heway germ û serdim řo
bê bak ne dujmin řojî cengim řo
supay selimNamed-Entity û tûrNamed-Entity hem ferengNamed-Entitym řo
kuşnidey giroy kełřemanim řo
hosay tîr’endaz mardemanim řo
seyadî kogerd şux kemanim řo
saḧêb bezim û řezim mîr hamdemanim řo
perê řoy şikar bêqerarim řo
daray şewq û zewq mîr şikarim řo
deng biřyay ne ser kiławanim řo
şon biřyay ne pay şetawanim řo
neçîrgay qedîm bêsaḧêwim řo
zelîl û zigar ḧał peşêwim řo
esasey şikar mîras keftem řo
ax zamanî sext nasor keftem řo
zemzemey noker dîwaxanim řo
berze hewargey êłaxanim řo
şoře swaran řoy mesafim řo
bê xewf û xeter bê gezafim řo
esłeḧey teyar gişt xasanim řo
tefreqey destî nakesanim řo
esp û mayn û zîn we ca mendem řo
noker û řayet peragendem řo
xanman we naz bênaz keftem řo
ay dîdey lêław êş nesreftem řo
baboy minałan nazenînim řo
we naz perwerdey şox cemînim řo
qeřeçoł biřyay řêşekenim řo
bê qedir û ḧurmet hezar penim řo
esîr kêş kiryay kul şaranim řo
tefreqe û teqsîm zîndananim řo
zelîl û jêr des bê wîcdanim řo
duçarî derdan bê dermanim řo
negoşey zîndan kesas keftem řo
bêçare û feqîr ziban bestem řo
bê xercî û muḧtac hem ’uryanim řo
soçyay zułmî sext dił biryanim řo
naxoş û ze’îf gişt meflûkim řo
her yekê ře’îs yek bilûkim řo
řopey bergeştey řozgarim řo
bê dewa û ’îlac nahencarim řo
we fiday esîran bê kes mendet bam
bê yar bê yawer peragendet bam
fîday seyrangay kosaranit bam
koç û menziłgay weharanit bam
dimay zarî û şîn, waweyla û meḧşer
ḧereket kirya perê řwanserNamed-Entity
asman û zemîn serda bê we hem
maçî pey ême gêrtebîn matem
ew řo řoyê bê tarîk û zułmat
ney pêş amede ’eqił mebî mat
herta we zanû ne toy heřk û aw
hem waran û wefir mewara we taw
ew řo ta êwar we çend derdîser
şew menziłgaman bî we řwanserNamed-Entity
mał teng û tarîk bê agir peř dûd
jêr xak lîbas teř hewa nebrûd
her new’ we her ḧał řahî bîn ce no
daman ne awî serdî û şikero
wey ḧałî peşêw heřg û heway serd
bê nan bê xorak derd we banî derd
giroy bê wîcdan hem ne çwar etraf
meşîn we řawe medaşan gezaf
ew řo hem wey tewr ce sub ta êwar
ne qeł’ey řezaNamed-Entity menził da qerar
ew şewîç new ca zîndegî kerdîm
nan û xorakê we gîr awerdîm
seḧer dûbare ḧereket kerden
qeł’ey yawerNamed-Entityy nezer awerden
guzerga ne pay qulley weysNamed-Entity mewyerd
her çend îltîmas îltîfat nekerd
ełbete êmeş mistewcîb zana
werne pey teqas nerdê meşana
hana her weton weysNamed-Entityy yemenNamed-Entity mał
bazhem hîmmetê ne dimay heşt sał
ew řo ta êwar we dewanî dew
menził we menził ta menziłgay şew
papetî û birsî el’eteş pey aw
sedemey wey tewr kes nedyen ne xaw
ẍurûb ward bîn we qeł’ey yawerNamed-Entity
cay kesafetê girten ew nezer
pey ême newca tewêłe û enbar
tarîk û nûtek menził dan qerar
bewlney ḧeywan peř bê nemerdim
serta pa memlo ne sipêy gendim
ne xew ne xorak pa zexim û naxoş
manya û mirdig na’umêd diłřeş
te’rîfî ew şew bê zyad û kem
ḧeşir û cehennem her dû dîn we çem
we her gyan kenîşt şew kerdîn we řo
xuda sa mergê menził ew ko bo
seḧer hem ce no bewêney caran
sef ara kerden nîzam swaran
meḧbûsîn ne toy tewêłe û enbar
yek yek şimerden kerdişan qetar
řo ne kirmaşanNamed-Entity ḧereket kirya
bine û barxane yekser bar dirya
yawan ne goşey qifey giřaweng
çend sa’et new ca ême kerden leng
ne toy qifeda ême û nîzamî
ta çehar sa’et ew sa temam bî
řahî bîn we řa new deştî bê pey
daxim sew menził ko bo xuda key
welḧasił ew řo ce gişt řo bedter
manya û xeste menził hem dûrter
qeł’ey homermilNamed-Entity we menził kirdîn
ew şewîç new ca zûxawan werdîn
seḧer perê şar ḧereket kirya
wêney herde car tertîbat dirya
î’lan kerde bîn wetemamî şar
unas û zikûr, seẍîr û kîbar
perê temaşa ne kenarî şar
beyan bwînan esîranî zar
wey tewr nimayş medan be wêşan
esłen xecałet hîç nimekêşan
mîlletê we meyl îta’e kêş bo
girte û bestey ew hunerş çêş bo
we yek nimayş wardiman kerden
çiman esîrî xarc awerden
garajê new ca tehîye kerden
menziłgay ême bew yage berden
bewêney ḧeywan gele û gusfend
kerden ne ew ca we sed hezar pend
ew kese xetay xanedan kero
qatłî çend kes we des bawero
řeftarş bew tewr nimebo çenîş
be ẍeyr ce eşxas namerd û bed kîş
de şewaneřo new yage wîyerd
bê ferş û poşak ne řûy xak û gerd
řagey zîndegî beste bîn lêman
yekê nanê wişk medrya pêman
dimay sedeme û zûxaw ne ew ca
dese we dese ḧereket dirya
ce modey de řo çend nefer merden
her ne kirmaşanNamed-Entity ne’şiş superden
yekê nadirsanNamed-Entity hewramanî textLocation
dûhem fetḧułłaNamed-Entity ênaxî bedbext
sa we her new’ê kesafet karî
ḧazir kerdişan maşînî barî
penca şest nefer ne toy yek maşîn
me’mûr û ḧebsî çîn nebanî çîn
we çend îftîzaḧ ḧereket kerden
îxtyar nebê her ca mewerden
řahî bîn we řah ta we nîme şew
menził we menził we dewanî dew
ta esed abadNamed-Entity xeste û nîmegyan
tewêłe û kadan menził dan pêman
ew şew we her ḧał we řo awerdîn
perê bedbextî her mayn nemirdîn
seḧer hem ce no ḧereket kerden
ne řay hemedanNamed-Entity guzer mekerden
wextê nîmeřo ne kenarî şar
îstigay maşîn new ca dan qerar
nîm sa’et kemter midran ne ew ca
emrî ḧereket dûbare dirya
menziłgay ew şew qezwînNamed-Entity dan qerar
medara nebê ew řo ta êwar
řagey dûrê bê ew řo tey kirya
ay çend zûxawan we merdim dirya
nîmeşew ward bew yagey xeraw
manya û mirdig el’eteş pey aw
çêş waçûn çenî weneman şîyen
seḧray kerbelaNamed-Entity wey tewre nebyen
dû şewane řo ne qezwînNamed-Entity wîyerd
ca teng û tarîk hewa tof û serd
be’zê îftîzaḧ new ca dîn we çem
nedyenş hîç kes ewladî adem
saḧêb menseban yek ordê wenden
yekê sê qeran ce girdîn senden
watşan aşê lazmen peytan
řef’î xestegî řakero lêtan
yek aşê maşê pêman bar kirya
we her tertîbê zehrî mar kirya
daxim her îden ney dinyay sitem
her kes her karê newîno we çem
watey kesê ter eser nedaro
ney goş meşnewo new goş mewyaro
baze ba her wêm bisozû we derd
ta řoy qyamet çenî ahî serd
çun webê cîhet dûçar bîyenan
ne toy posî wêm biryan bîyenan
dûbare maşîn hem ḧazir kirya
emrî ḧereket pey merkez dirya
dimay nîmeřo ward bîn we şar
baxî şaNamed-Entity menził êmedan qerar
ta yawan bewca hûraşan kêşa
ye’nî ḧazir ban perê temaşa
çend dese serbaz be xete û zencîr
saḧêb menseb û mûzîk û şestîr
piley sextî bê ew řo ne řêman
umêdî ḧeyat nemen perêman
ne bedbextî bê ew hem nekirya
nek ce xoşbextî teswîb nedrya
temam ḧebsî kul teḧwîl dirya
sed nefer netoy yek sałon kirya
efserî şahî new ca emrî da
ketî besteman ew sa wa kirya
welḧasił de řo hem ne baxî şaNamed-Entity
zîndegî kerdîn we sed nałe û ah
cew dima yek řo sef ara kerden
meḧbûsîn temam bew yage berden
dese we dese esamî wenden
perê zîndanan teqsîm mekerden
gahê we diłteng gahî hem diłşad
êmeşan hem berden we ’îşret abadNamed-Entity
yek şewaneřo new ca hem wîyerd
we çend xeyałat hezar ahî serd
perê çil nefer maşîn awerden
yek ne şon yek kul swar kerden
we her tertîbê ḧereket kirya
şarî qumNamed-Entity menził şew qerar dirya
řahî bîn we řah ta we nîmeşew
ward bîn bew ca bê xorak bê xew
dû ḧepsî tarîk yage dan pêman
be wêney ḧeywan ew şew bî cêman
seḧer de nefer berden we zîndan
baqî řahî bîn pey şarî kaşanNamed-Entity
ew řo ta we ’esir medara nebî
gyan ne cay sexten çenî ber neşî
ew şew we kaşanNamed-Entity we řo awerdîn
sa we her new’ê zîndegî kerdîn
de nefer new ca baz hem cya bî
ḧewałey zîndan kaşanNamed-Entity kirya bî
bîst nefer ême perê esfehanNamed-Entity
ḧereket dirya xeste û nîme gyan
sa’etî dwazdey nîmeşew temam
êmedan teḧwêł medresey nîzamNamed-Entity
dû ḧebsî tarîk bê nan bê xorak
ca teng û nimnak ẍełtan ne řûy xak
bê xurd û bê xaw şew we řo kerdîn
ce ḧed wîyerde zuxawan werdîn
ew řo ke sêzdey ’eydiş mewanan
ême dan teḧwêł ḧebsî esfehanNamed-Entity
dimay teşrîfat qanûn û teftîş
her kes her çêş bê temam sendin lêş
ta axir cem bîn ne toy zexîre
ew řo dan pêman qatux û cîre
nimrey yek me’lûm kerden perêman
ne toy penc utaq qerar dan cêman
ew şew sakin bîn ta we sub seḧer
watşan ama bîst neferê ter
ewan hem celay ême cage dan
hewramanî textLocation çenî merîwanNamed-Entity
îse bê xeber bê curim bê delîl
ce dîwanî ḧerb meḧkeme teşkîl
dû řo pey derpey yekser kul berden
her yekê dûcar meḧakmeş kerden
ta we yek ḧefte basê nebê
yawer cewad xanNamed-Entity naga ḧazir bê
dese we dese seda kerdişan
perêman namey e’mał wendişan
de sał ta penc sał îblaẍ kerd pêman
ḧebsî esfehanNamed-Entity kerden we cêman
heşt sałe çend kes aman û şîyen
hêmay řay necat pey ême nîyen
mezłûmî ême ce ḧed wîyerden
kerîm we zatit bê pena û perden
ce lay mexlûqat umêdman biřyan
feryad řesî ker řîşeman kinyan
we řeḧmekey wêt îḧya ker emcar
xelasman kere ney zîndanî tar