’îzzedîn şêrî botanî

em zate emîrî botan û řeqîbî emîr bedirxan bû û be sebebî îhanetî emeweye ke bedirxan beg le naw çû. le dway şeřî qirêm (1853m) be çend sałêk û le dway ewe ke ḧikûmetî ’usmanî heray bedirxan begî biřandewe û kurdistanî merkezî ’adeten le leşkir xałî kird, ’îzzedîn şêr le wiłatî botanda beramber be ḧikûmet hełsa û muddetêkî zor lew naweda be serbexoyî dewamî kird. ḧikûmetî ’usmanî le paş beynêk leşkirêkî narde serî; ’êzedîn şêr em leşkirey xirap şipirze kird û şikandî. duwem car leşkirêkî gewrey hate ser û le dway şeřêkî zor, em qyameş kujayewe (1864 m).