pê bikene bo jyan

ey korpele sawakem!
gwêm lê bigre, bize bitgirê
pê bikene, pêkenînêkî şîrîn
pêm biłê, em xem û azaranet le kwêwe hełquławin
paşmawey firmêsk le çawe cwanekanit bisře
çunke moteke řeşe nefret lê kiraweke
dête małekemanewe û lenêwan henîsk û firmêskî toda
xoy ḧeşar edat. bo ewey le nîweşewa bitfiřênê
ax.. xozge ezanî ew moteke řeşe çen diłřeqe
pê bikene beřûy her şitêkda ke etgirênê.
mayey bextewerîm
pê bikene, pêkenînêkî serkewtuwane
bize bitgirê
beřûy tîşkî birayetî û xoşewîst û awatî xoşda
ey korpele xoşewîste giřugał şîrînekem!
waz le giryan bêne
waz le firmêsk bêne
pêkenînit tiruskey şebeqî řûnakmane
bize bitgirê, bize bitgirê bo jyan
bizey şîrînit meşxełî řêga,
řêgay xoşî û şadîye bo naxî diłman