xesrewm wehar
From the Book:
Dîwanî Mestûre
By:
Mastoureh Ardalan (1804-1848)
5 minutes
1426 views
xesrewm wehar ...
ya şa neyewe îmsał new wehar
ber neyan we ber gułan ce gułzar
nekero dirext şikofe îzhar
ne seḧnî çemen newano bułbuł
henî nekêşo jałe ne řûy guł
nîlofeř ta ḧeşir ber neyo ce aw
ce řûy gułî surx nekêşo guław
benefşe û sunbuł nesrîn û şewbo
ta qamî qyam berneyan ce ko
sosen û lale û ře’na û gułî zerd
henî sewz neban çenî soz û derd
supay gułałan xwar û nigûn bo
şeqayq řeng zerd, ciger piř hûn bo
nesîmî seba neyo we çemen
neşano şewnim we řûy nesteren
ce’ferî û semen řeyḧan û bidax
neřûyan ce xak çenî ax û dax
aẍem, dimay merg dîdey şehlay to
ya şa, kes nergis nekero we bo
bigîro we dest herkes destey guł
wêney nêşî xar bepêkoş ne dił
qehqehey kebkan neyo ne kohsar
ne řengî guł bo ne bezmî gułzar
neřêzo siweyl îmsał çun sałan
řeng zerd nekero bergî nehałan
pey çî xesrew bend ne toy mezaren
mestûrePen name ce seyr wehar bêzaren
qesem bew xuda waḧîd û ferden
î çend řojey ’umir ta wadey merden
ce dimay xesrew seyrî seḧra û deşt
arezûy çemen, temaşa û gułgeşt
nekhetî gułan şemamey weşbo
cey dinyay piř mekir, ce min ḧeram bo
mestûrePen name melûl, dił ce meynet mest
camî ’eyş tuhî, şîşey ẍem be dest
meqalem ce seng sya sitaran
derûn xaneqay ẍem û pejaran
îradey emlak îqlîmî şadî
sa’îy şewarî’ řay namuradî
nimez bextî to çe neqşê kenden
semen firoşa û sosenş menden
fełek serçeşmey ’eyşiş bibo wişk
lałş bedeł kerd çenî bîdî muşk
her min mezanû cestey ḧałî to
tebxałey leban le’lî lał to
tełxîy řûy ’ennab zîndeganîy to
’ennabî gonay ze’feranîy to
jûlîdey xeman terzî tuẍray to
şefeq say ufuq ce may syay to
ay ce giřey nar wey derûnî to
mewcî deryay dił piř ce hûnî to
ga yadî hengam ’eyş û noşî to
ga narî kûrey meynet coşî to
kafir wêney to ten zûxałî bo
camş ce badey ’uşret xałî bo
duşmin ew camey qełaxî poşo
sehbay nakamîy mîḧnet binoşo
gerdûnî keç baz çe nerdê baza?
ye çe mekirê bî perê to saza?
’eceb ce deryay xeman ẍerqenî
qedem sûgwar ta be ferqenî
qarûrey şadît le ẍem şiksiten
pey mergî xesrew ḧeqit bedesten
er tata řîşey cergit pey kerî
ya wadî mîḧnet be ẍem tey kerî
er ce şew ta řo, ce řo ta be şew
her waçî: hey dad, hey řo, hey xesrew
pey mufareqet ew berguzîdet
řewan bo esrîn hûnîn ne dîdet
pey mergî xesrew hêmay her kemen
ta ’eyşî sed bar sizaş matemen
lakîn -ey ’ezîz- qîbley ’ezîzan
başqey fîrqey saḧêb temîzan
ey řa be’îden ce řay xîredmend
xesrew key be dam dirext bîyen bend?
ne řay řezay ḧeq kirdarî batił
derûn ne tezmîr endêşey qatił
alḧimd lilhArabic to wêt wendenit
neqiş ey ḧedîs ne dił kendenit:
û min yilbis suda libusaArabic
yixtim mîta ẍya ’ibusaArabic
ew sewdey ’ezîz ce sûgwarî
dîdeş mepoşo cilbatî tarî
hergîz nim ne řûy dîdeş nîyen řem
ta řoḧî barî bwîno be çem
to er sed ne ẍem derûnit hûnen
bełê ey tewre edwarî dûnen
ḧeyf nîyen çun to şîrîn şehbazê
şoxê mehweşê alûdey nazê
yek cîhet ne ’eyş ’uşret cya bo
peyweste ewqat bergiş sya bo?
cîhanê yekser ce ẍem meş’ûfen
xurşîdî çun to daym kusûfen
to binamîzad zêba ḧûrenî
çe ḧûrê? layeq ḧulley nûrenî
guł ta ẍunçe bo çe şewqê daro?
ẍerqen ce boda çe zewqê daro?
hîç řengê nîyen ce mestûrewe
zînet ha be řeng sipî û sûrewe
er sed muleqqeb be mestûrePen namenî
to zêbay dêbay sipî û sûrenî
wadey weharen çun guł cîlwe ker
be řeşkî xasan ře’nay dił peyker
zînet der we cam cem nimay cemşîd
bibêzo enwar şe’şe’ey xurşîd
bipoşe dêbay zêba be qamet
ta pey qametit xêzo qyamet
pey murde matem sûdê nedaro
matem---Missing dûdê nedaro
îlla ce hengam xemsey ferayz
elḧemd we îxlas kereş ’erayz
ma baqî beqay dinya nedaro
ce şadmanî řeḧmet mewaro
îbrahîm er sed gustaxîş kerden
bełê ye şerten be ca awerden