newroz
From the Book:
Dîwanî Esîrî
By:
Asiri (1895-1962)
3 minutes
1089 views
ey gelî kurd çejnî em newrozeye û pîroz bê
dujminî êwe: keneft û kewtû û bê řoj bê
wa sitarey bextî kurd řûy kirde burcî se’dewe
hatewe fesłî beharî ew be’îfay we’dewe
mijdeyî newrozî hênawe begirmey ře’dewe
wa hemû sewzayî ser derdexen, le baweşî mehdewe
hatnî em řoje hengî xiste kar û cehdewe
řoḧî guł degrê û deçê deykate şaney şehdewe
ey gelî kurd çejnî em newrozeyew pîroz bê
dujminî êwe: keneft û kewtû û bê řoj bê
***
çejnî newroze, gelî kurd keyf û seyranan eken
bo syaḧet řû lekêw û şyû seḧrayan eken
deskî mêlaq û gezîze û nêrgiz û lala eken
dawetî sê girmekê teşxîsî pêş dadyan eken
sed şukir her sałê kurd tecdîdî asaryan eken
çejne pîrozey yek û hem yadî gułşenyan eken
ey gelî kurd çejnî em newrozeye û pîroz bê
dujminî êwe: keneft û kewtû û bê řoj bê
***
yek hezar û heşt sed û pencaw hem yek sał eka
mîlletî kurd çejnî newrozîş weku çejnan eka
lewdemî çunkî hamuřabî xuda ẍalîbî eka
muddetî pencawpênc sał ḧukmiřanî deka
kurdekan aware û bê text û tarac deka
xakî kurdistan bezułim û corewe wêran eka
ey gelî kurd çejnî em newrozeye û pîroz bê
dujminî êwe: keneft û kewtû û bê řoj bê
***
kawe wek wîstî wiłatî xoy le dujmin ka tehî
dest becê lay bird hamuřabî leser textî şehî
ew řojîş fireydûn hate sertextî mehî
neşrî kird cařî ḧukmiřanî û esalîbî şehî
çun le dest dujmina lem řojeda kurd bû řehî
lêdra lem řojeda mozîqeyî şahenşehî
ey gelî kurd çejnî em newrozeye û pîroz bê
dujminî êwe: keneft û kewtû û bê řoj bê
***
řojî newrozî ’eceb, çejnêkî şewkete
çend muhîm û gewre û pîroz û xawen heybete
řojî wa piř mînet, şayanî qedir û ’îzzete
çunkî kurd, lem řojeda na’îl buwe bem firsete
wacbe ta řojî ḧeşir bizrî nekeyn em ẍîrete
bełku dîsan derbiçîn, řojêkî tir lem zîllete
ey gelî kurd çejnî em newrozeye û pîroz bê
dujminî êwe: keneft û kewtû û bê řoj bê
***
qewmî arî şukirdû çejnî taybetyan heye
çejnî newrozê ke çû, çejnî mîhrecanyan heye
çejnî newrozyan le bo tîzkarî gułşenyan heye
mîhrecanîşyan le şwên asarî pêşdadyan heye
mîlletî "gîw" herçenê dîsanekeş bextyan heye
çun le asarî qedîmî çejnî newrozyan heye
ey gelî kurd çejnî em newrozeye û pîroz bê
dujminî êwe: keneft û kewtû û bê řoj bê