xeraman bew serî zulfî perêşan çîhre binwêne
From the Book:
Dîwanî Wefayî
By:
Wafayi (1844-1902)
2 minutes
834 views
xeraman bew serî zulfî perêşan çîhre binwêne
le guł řeng û le sunbul bo, le serwan cîlwe bistêne
şehîdî taqî ebroy to be cennet şade, azade
eto qîbley muradanî demêkî řût weha bêne
zekatî xałî lêwit bûseyê lew çawe kafîme
eto bî û saqîy kewser diłim bew came meşkêne!
be zulf û řûy guşad carêk bipirse ḧałî şêwawim
demêk şekker bide, sunbul be bade, guł bibarêne
diłim hênawe bo lêwit biła zulifit řezay lê bê
wekû qennadî xoş sewda be, zû zû bîde bistêne
zedey çawim, le lêwî xot şîfam de, bes be řiqda ço
be qetrêk abî ḧeywanit nexoşî xot mesûtêne
eger sed řoḧ û dił bênim muradî min řewa nabê
lebî le’lî be min nada dezanê řoḧ çi şîrîne
le enfasî seḧergahî bitirsê, ey çira, carêk
henasey ’aşiqan tîre, mełê perwane bêxwêne
delîlî çak û pakî pê dewê wesłî řux û zulfî
xuda şadî be şaney da û sefay cennet be awêne
leser mîḧrabî ebroy kewtime zulfî damye ber ẍemze
be celladî dekut: murtedid! ḧełałe xwênî biřjêne
serî dana leser řûy to, be şwênî zulfî toda çû
wefayîPen name axrî xêr bê, demêke bêser û şwêne