ela ey saqîy mestan be ḧeqqî pîrî meyxane
From the Book:
Dîwanî Wefayî
By:
Wafayi (1844-1902)
2 minutes
4555 views
ela ey saqîy mestan! be ḧeqqî pîrî meyxane
be gerdiş bêne camî mey be yadî çawî canane
eman ey mutrîbî meclîs be ḧeqqî tarî řoḧanî
biła bê neẍmekey sazit ke awî awrî hîcrane
eto ey řoḧekem saqî, eto ey ’umrekem mutrîb
peyapey lêde çeng û ney, demadem bêne peymane
be tîrî ẍemze bimlawênewe zulfim le gerden ke
beser hatûme meydanit, be dił bot bûme nîşane
eger şewqî cemałî to nebê min mest û ḧeyranim
leberçî bote bulbul guł, çira boç bote perwane
le şewqî toye sermeste, be zewqî toye pa beste
eger ’arîf le ke’beyda, eger kafir le butxane
le şîrînî cemałî toye řojî řûnî leylaye
eger ferhadî sergerdan, eger mecnûnî dêwane
demêkî mest û bîmarim, demêk bêhoş û hoşyarim
çi kes nazanî derdî min, meger ew çawe kałane
de her ḧelqêkîda sed dił giriftare denałênê
serî zulfî perêşanit meger zincîrî şahane
henasey ’aşiqan ba netgirê bêmrwetî takey?
bitirsê ey gułî nazk beden lew bayî ziryane
eger zulifit wekû min ’aşiqî řûy to nîye boçî:
serapa têk çuwe kewtote berpêt dest û damane?
tiraza dugmekey sîney, be yarîy zulfî hat ẍemze
beyan berbû lelay çîn, baxeber bin tîre barane
wefayîPen name bo gułêkî serubała şêt û şeydaye
wekû qumrî denałênê wekû bulbul ẍezelxiwane