birîndare diłim sewdazedey zulfî diłarame
From the Book:
Dîwanî Wefayî
By:
Wafayi (1844-1902)
1 minutes
707 views
birîndare diłim sewdazedey zulfî diłarame
meken men’î diłî zarim ke wa bêsebir û arame
be naz hat bo temaşay şîwenî dił, pêkenî fermûy:
legeł giryey suraḧî, neş’eyî mey, xendeyî came
mufessîr ẍemzekey řêze û şiksitey zulfî me’na kird
dełê: çî kewte berpêm kafrîş bê ser be îslame
xetî hat û beserçû řewneqî zulfî dił’awêzî
le tazyey ehlî dił gîranî řoj meşhûrî eyyame
be mergî min heta mawim serit wabêne bîzanim:
řuxe ya bergî nesrîne? lebe ya şekkerî xame?
be meḧzî řu’yetî zulifit serim dana, debê çibkem
le’em bazaře terkî ser ke ewweł sûd û sewdame
be ẍemzey çaw û lutfî ew deme řoḧim weber bêne
demî to řoḧî şîrîn, çawekey mestit mesîḧame
leşewqî řût denałênim le sayey gerden û zulifit
gułistan bêseday bulbul nîye, ger subḧe, ger şame
be tata zulf û řûy kirde wefayîPen name pêkenî ye’nî:
şeker hemřaz û ’enber hemser û guł baẍî bałame