geřanewe

From the Book:
Mêrgî Zam Mêrgî Hetaw
By:
Sherko Bekas (1940-2013)
 1 minutes  523 views
em şehîdaney şeqławe
tenha her le hawînanda
legeł hatnewey şemame û
legeł derkewtinî xêłî gułebax û
geřanewey çawekanî dar gêlasda
ser le ême edenewe.
tenha her le hawînanda.
ke dênewe
wekûw qox û sêwelasûre û guł henar
hemû pêkewe dênewe..
her le dûr řa..
wekû bizey guł xenderan
ême eyannasînewe:
bałayan darî jałeye û
dem û çawyan hêşwe tirêy ser qułkeye û
des û qaçyan liq û çiłî bełałûke û
qijyan çîmen!.
şehîdanî naw şeqławe
ke dênewe bo lay ême
wekû xewnî guł estêre
leser şanî sefînewe yek yek hełdên.
ełêy řîzê momî sûrin û
berew małanî bin binar da’egeřên.
qurbanîyekanî şeqławe
wek sinewber bergyan keske
çawyan kanî û singyan bax û
xemekanyan ber sêberêkî fênke
ke germa hat..
şehîdanî naw şeqławe
seryan keprî azîzane
henaseyan kizebaye û
zamyan hawîne hewarî
gişt zamêkî kurdistane!