elḧemdulîlla şerbet wiryawe
From the Book:
Dîwanî Mela Ḧesenî Dizɫî
By:
Mulla Hasen Dizli (1859-1946)
2 minutes
648 views
elḧemdulîlla şerbet wiryawe
mang netoy zułmat, hem wirdiryawe
derwazey şadî, dîsan kiryawe
fanûs xełwet, baz hûr kiryawe
sitarey tal’, çunke se’îd bê
řûy tilu’ welay, ḧemese’îdNamed-Entity bê
êłanpê ẍemgîn, bê to bê nûr bê
wehar ce dûrît, şetawiş sûr bê
er fîrdews bya, bexwa bê sûd bê
dinya bebê to, her bê nimûd bê
wehar ce daxt, hênde ḧesret werd
hîç kes nezanaş, çenî bî wiyerd!
’eşret bê tedbîr, him bê serdar bê
melûl û ’aciz, mat û ẍembar bê
ya řeb! şukir be keremdarît
sena be lutif û bizirgewarît!
ce sayey xwa, more xas ama
mangî çwarde ce kel ber ama
be şadmanî netoy hewr ẍem
sitarey tal’ ser kêşa kem kem
tayefe û ’eşret, qewman û xwêşan
nemend bar ẍem, neser lêwşan
’eyał û kiłfet, çem û dił řoşin
asûdexatir, çayî binoşin!
pîr û řîş çerme, wek sebzepoşin
doxeway pak, xas hurbilûşin
gahê pîşepîş, gah mûşemûşen
simêł çun şewmał, řîş wêney pûşen
emcar binîşe celay małewe
mila celaşan be bermałewe
bidye nazaran, mil be xałewe
qetare ce lay haneçyałewe
bazû be bazin, be xirxałewe
bew lence û ’îşwe, qed şimşałewe
mela be cezbe û be eḧwałewe
minîç ser û mil, wekû dałewe
ba lapşan ey, qise be pêtan
siłamim we lay, gewre û wirdîtan!
ew ḧemezeman, çenî qareman
esed û meḧmûd, tahêr û ’usman
eskender, çenî baqî birayan
qewman û ’eşret, hem aşnayan
mamosay ’abîd, hem pêşeway dîn
xelîfey serwer, çun şêx şemsedîn
xatû ferengîs, xuşkî dinya û dîn
be řû weşî ew, hezar aferîn!
ya řeb her saḧîb, ’eşret û pişt bay!
serḧełqey zumřey ḧorî beheşt bay!