qîblegay ḧacet ke’bey řastan
From the Book:
Dîwanî Mela Ḧesenî Dizɫî
By:
Mulla Hasen Dizli (1859-1946)
2 minutes
1049 views
qîblegay ḧacet ke’bey řastan
tûtya asa, xak astan
şems meşarîq, borc byare
tel’et nûr’efşan, we her kinare
şems muqtebîs nûrî meḧasin
cazbey hîmmet çun řubay asin
bedir wîlayet, şems nebuwet
herdû muzeyyen sema û ’uluwet
şarezay řagey seḧray kîbrya
şêrî silsiley zumrey ewlya
ẍuّasîArabic şihûd beḧrî tecella
pîrî muqamat řay fina fî alilhArabic
şehnişay serîr ’erş řebbanî
sułtanî eqlîm zumrey řoḧanî
şah fermandey qway şerî’et
qwey îsti’lay lîway terîqet
řutbey qitbîّtArabic zat cibîllî
şaystey şahî be şûray mîllî
walay tacdar fermanfermay dîn
sułtan fatêḧ çîn û qustentîn
sułtanî berreyn, xaqan beḧreyn
keşşafî tefsîr kaf ha ya ’eyn
îqamey sitûn lîway pêẍember
e’la tîّbeArabicy alilh ekbirArabic
eḧyay deymecoy cum’e û cema’at
mîraw cobar mezre’ey ta’at
ayney zemîr, cam cihanbîn
telxaney îlham ribّ al’almînArabic
meşrîq be meẍrîb şabał keşîde
dû dinya dîde, be her dû dîde
qubbey îstî’lay dewłetseray dîn
ya penay îslam ya ’ela’edîn!
bew beşq ew cam badey řoḧanî
bew şu’a’ nûr, zyay ’usmanî
bew meḧremî beyn, wêt û xway wêt
bew nûrîn qamet bew xak pay wêt
bew cigergoşey welî’ehd wêt
’usman erşed şêwey cehd wêt
wextî tenganey ẍerẍerey nefes
nałey murẍ řoḧ, ne sîney qefes
şeytan bew qedeḧ, serde aw yex
ebleqî çeman, hurteknay zenex
yawî we feryard peşêw eḧwałan
xezaney îman neşo we tałan
ḧeyfen min be to wêm siporde bo
laşem ne meydan werga warde bo
fîday hajey bał heło asat bam
hewesnay şeytan, bê mewasat bam
bew şabał wêt gîcawlûl derpêş
çun cengî sîmurẍ weser beçey wêş
wextê cenazey meḧmûdNamed-Entity ew pabo
hîmetit çun wêt, be derqey řabo
xak astanet we tac ser kem
we nîşaney to, řû ne meḧşer kem