beserhatêk
From the Book:
Dîwanî Kakey Felaḧ
By:
Kakey Fallah (1928-1990)
1 minutes
620 views
bira! zanîwme bo wêrane małî
be birjang xakî berpêy ye’is emałî
bełê gewrem! ezanim piř bedił to
peşîmanî le kirdarî minałî
lenaw çoł û byabanêkî germa
çiley hawîne bê sirwey şemałî
kedarî serweket yadî huner bê
wekû qumrî be řoj û şew enałî
ełên: řojî beserhatit gelê dî
keçî her mîweyêkî kirç û kałî
beřeng zerdî xezanêke jyanit
sewz nabê umêdî kişt wikałî
ełêy: key dił bigate kamî xozge
xeyałit xawe kuştey kam xeyalî?!
egerçî xo serit qałî jyane
le botey meyneta pêwîstî qałî
ke ’ewdałî be naw baxçey jyana
biçêje her leber guł diřk û dałî
eger dermanî derd zehrêkî řute
biłê: şîrîne eynoşim be tałî
zimanî ḧałî to gerçî zułałe
biłê: daxî be cergim xoşe lałî