kurdistan
From the Book:
Dîwanî Kakey Felaḧ
By:
Kakey Fallah (1928-1990)
1 minutes
1057 views
diłgîr û xoşe kurdistan
be dîmenî sakar û cwan
seyrangayekî nazdare
aw û heway sazgare
nîştimanî newey kurde
qîblegay dirişt û wirde
be heştêkî řûy ser erze
piř le kej û kêwî berze
daristanî çiřu piře
awî xoş û sard û siře
piř le řez û baxî cwane
kanyawî řûn û řewane
heł’equłê le binarî şax
ekşê bo naw dêber û bax
guł û sewze gya aw eda
dił û gyan le zaxaw eda
leber hajey çem řoj û şew
tebî’et lêy ḧerame xew
herçî liq û pop û pele
serxoşî cirîwey mele
wirşey gełay dem şineba
jeng û jarî derûn eba
em kurdistanî êmeye
cêgay bezim û zemzemeye
le cwanî ya şox û şenge
baxçey seyran û ahenge
ser textî ew şînayî ye
şwênî hełpeřkê û şayî ye
be soz û awazî şimşał
ecoşê diłî kuř û kał