demêk saqî demit bêne dexîlî çawekanit bim
From the Book:
Dîwanî Wefayî
By:
Wafayi (1844-1902)
2 minutes
6441 views
demêk saqî demit bêne dexîlî çawekanit bim
be camêk destî min bigre fîday pîrî muẍanit bim
le dû la mest û ḧeyranim, be quwey cezbe nazanim
ne sergerdî ser û gerden, ne qurbanî lebanit bim?
çi xoşe wecdî seru û guł, be dînî qumrîy û bulbul
demêk şeyday qed û bałat, demêk şêtî dehanit bim
le nîşaney peřey cergim newesta ta negeyye dił
be qurbanî xedengî dest û bazûy çawekanit bim
şîfay dam ẍemzekey çawit ke wa xwênî diłî girtim
be qurbanî mudawayî ḧekîmî ḧałzanit bim
bebê îmdadî xałî gerdinit derdim şîfay naye
meger bêm dest û damanî gelawêjî beyanit bim
le wesłî řûyî toy kirdim ḧîcabî pêçşî zulifit
heta key diłişkistey derd û te’ney baẍebanit bim?
muqîmî xakî derkey to ḧerîmî cennete cêgay
be lutfî to çi kem nabê minîş řîzey seganit bim?
be zulfî piř le hawarî diłan kewtûm, desa řuḧmê
eman serqafłeçî qurbanî zengî karewanit bim
lewî řojê ke řût wa kird û lêt pirsîm, heta demirim
be boy cennet debê min her leser řazî nîhanit bim
birot têkna, demit wêkna, le deryay lutfî to dûre
le qurbî qabeqewseyn û meqamî lamekanit bim
emin kurd û dił îftade, eto şox û ’ereb zade
meger bimirim be bextî xom demêkî hemzubanit bim
be yadî zulf û řûy to wek «wefayîPen name» her denałênim
debê ta řojî meḧşer tazyedar û řewzexwanit bim